კარიპაზიმი

სავაჭრო დასახელება:

კარიპაზიმი – СARIPAZIM

წამლის ფორმა:

ლიოფილიზირებული ფხვნილი გარეგანი გამოყენების ხსნარის მოსამზადებლად

შემადგენლობა:

ფერმენტები ნესვის ხის (პაპაიას) უმწიფარი ნაყოფების რძე-წვენიდანაა მიღებული. ოჯახი-პაპაიასებრნი, 350 პე პროტეოლიზური აქტივობით. პრეპარატის აქტიური კომპონენეტებია: პაპაინი, ქიმოპაპაინი A, ქიმოპაპაინი B, პეპტიდაზები A და B, აგრეთვე, მუკოლიზური ფერმენტი ლიზოციმი.

აღწერილობა:

თეთრი-მოყვითალო ფერის ლიოფილიზირებული ფხვნილი ან ფოროვანი მასა, სუსტი სპეციფიკური სუნით.

ფარმაკოთერაპიული ჯგუფი:

მცენარეული წარმოშობის პროტეოლიზური საშუალება

ათქ-კოდი: [D03B]

ფარმაკოლოგიური მოქმედება:

გარეგანი პროტეოლიზური საშუალება. პრეპარატი შლის დანეკროზებულ ქსოვილებს და ბლანტ სეკრეტებს, ექსუდატებსა და სისხლის კოლტებს ათხიერებს. მოქმედებით გავს ჰიმოტრიპსინს და ტრიპსინს.

გამოყენების ჩვენებები:

ქირურგიული, ტრავმატოლოგიური და ორთოპედიული, ნეიროქირურგიული და ნევროლოგიური პრაქტიკის დროს; ხერხემლის ოსტეოქონდროზიით, მალთაშუა დისკების სხვადასხვა ფორმის თიაქრებით და დისკოგენური რადიკულიტით, შმორლის თიაქრებით, თითების პოსტტრავმული მოქნილობით, სხვადასხვა წარმოშობის კელოიდური ნაწიბურებით, მსხვილი სახსრების ართროზი-ართრიტით, ჰუმერულ-სკუპური პერიარრიტით, ცერებრალური (ცერებრალური) ზურგის არაქნოიდიტის, სახის ნერვის ნევრიტის, გვირაბის სინდრომების ჩათვლით.

გამოყენების წესი და დოზები:

გარეგანი გამოყენებისთვის, კუნთოვანი სისტემის ზემოთ ჩამოთვლილი პათოლოგიისთვის, კელოიდური ნაწიბურების, ნევრიტის და ა.შ. პრეპარატი გამოიყენება სტაციონარულ ან ამბულატორიულ პირობებში.

უკუჩვენებები:

პრეპარატის მიმართ მომატებული ინდივიდუალური მგრძნობელობა; ორსულობა, ლაქტაციის პერიოდი; დაუშვებელია კარიპაზიმის კანქვეშ, კუნთებში ან ვენაში შეყვანა; არ შეიძლება კარიპაზიმის გამოყენება მწვავე ანთების პირობებში, აგრეთვე დისკოს თიაქარის სეკვესტრაციისა და ხერხემლის არხისკენ სეკვესტრის გადაადგილების შემთხვევაში (ფორამენალური მდებარეობა).

გვერდითი ეფექტები და სიფრთხილის ზომები:

შესაძლებელია გამოვლინდეს ალერგიული რეაქციები, რომელიც ქავილითა და სხეულის ტემპერატურის მატებით გამოიხატება; ატარებენ ანტიჰისტამინურ თერაპიას.

ურთიერთმოქმედება სხვა სამკურნალო საშუალებებთან:

კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.

განსაკუთრებული მითითებები:

პრეპარატი არ ახდენს ნეგატიურ გავლენას ავტომანქანის ტარების უნარზე, მექანიზმებთან მუშაობაზე;

გამოშვების ფორმა:

350 პე ლიოფილიზირებული ფხვნილი გარეგანი გამოყენების ხსნარის მოსამზადებლად. თითოეული ფლაკონი ინსტრუქციასთან ერთად მოთავსებულია მუყაოს ყუთში.

შენახვის პირობები:

მშრალ, სინათლისაგან დაცულ ადგილას +2°C -დან +8°C -მდე ტემპერატურაზე. ბავშვებისგან მიუწვდომელ ადგილას.

ვარგისობის ვადა:

2 წელი.

გაცემის რეჟიმი:

გაიცემა რეცეპტის გარეშე.

მწარმოებელი:

სსიპ თსსუ იოველ ქუთათელაძის ფარმაკოქიმიის ინსტიტუტი

მისამართი: საქართველო, თბილისი 0159, პ. სარაჯიშვილის ქ. №36

ტელეფონი: 253-14-94,  252-19-04

ელ-ფოსტა: ikip@tsmu.edu

ვებ-გვერდი: www.ikip.tsmu.edu