კოლხიცინი - COLCHICINUM

სავაჭრო დასახელება:

კოლხიცინი Colchicinum

კლინიკურ-ფარმაკოლოგიური ჯგუფი:

ანტიმიტოზური და პოდაგრის საწინააღმდეგო საშუალება

 წამლის ფორმა:

გარსით დაფარული ტაბლეტები 0,001 გ N60

ტაბლეტის შემადგენლობა:

კოლხიცინი-(S)N-(5,6,7,9-ტეტრაჰიდრო-1,2,3,10-ტეტრამეტოქსი-9-ოქსობენზო-[a]-ჰეპტალენ-7-ილ) აცეტამიდი მიიღება მცენარე სათოვლიას (უცუნას) Colchicum speciosum Stev.  ბოლქვებიდან.

კოლხიცინი                                                                                0.001 გ   

სახამებელი                                                                                   0.015 გ

რძის შაქარი                                                                                  0.0533 გ

კალციუმის სტეარატი                                                             0.0007 გ

გარსის შემადგენლობა:

შაქარი                                                                                           0.02315 გ

მაგნიუმის ფუძე კარბონატი                                                 0.00535 გ

პოლივინილპიროლიდონი დაბალმოლეკულური          0.00030 გ

აეროსილი                                                                                    0.00040 გ

ტალკი                                                                                           0.00040 გ

ტიტანის ორჟანგი                                                                    0.00040 გ

აღწერა:

თეთრი ფერის გარსით დაფარული ტაბლეტები, ორმხრივ ამოზნექილი ზედაპირით. განივ ჭრილში ჩანს ორი ფენა.

ათქ-კოდი: M04AC01

ფარმაკოლოგიური თვისებები:

ახასიათებს ანტიმიტოზური აქტივობა, ლეიკოციტების მიგრაციის და ფაგოციტოზის დათრგუნვა, ანთებისსაწინააღმდეგო მოქმედება და ამილოიდოზის განვითარების შეფერხება.

გამოყენების ჩვენებები:

• პოდაგრის მწვავე შეტევები;
• პერიოდული დაავადება;
• ამილოიდოზა.

გამოყენების წესი და დოზები:

• პოდაგრის დროს: 0.5-1.0 მგ დღეში 4-2-ჯერ უმეტეს 2 მგ დღე-ღამეში) ეფექტის  მიღწევამდე, დოზის შემდგომი შემცირებით დღე-ღამეში 2,0-1,0-0,5 მგ-მდე (რამდენიმე დღის განმავლობაში);
• პერიოდული დაავადების დროს 1-3 ტაბლეტი  დღე-ღამეში (არა უმეტეს 2 მგ დღე-ღამეში).
• მკურნალობის  ხანგრძლივობა - არანაკლებ 5 წელი.

გვერდითი მოვლენები და სიფრთხილის ზომები:

• შესაძლებელია: დიარეა, ლეიკოპენია, გულისრევა, დროებითი ალოპეცია.
• კოლხიცინით  მკურნალობა უნდა მიმდინარეობდეს განსაკუთრებული კლინიკური და ჰემატოლოგიური  კონტროლის  ქვეშ.
• პირღებინების  მასაში და განავალში სისხლის მინარევის აღმოჩენისას მკურნალობას  წყვეტენ და ატარებენ ჰემოსტატიკურ თერაპიას. მკურნალობის დროს პერიოდულად უნდა ჩატარდეს განავლის ანალიზი ფარულ სისხლზე.
• მიმართეთ მკურნალ ექიმს ან ფარმაცევტს იმ გვერდითი ეფექტების გამოვლენის შემთხვევაში, რომლებიც  არ არის აღნიშნული ინსტრუქციაში.

უკუჩვენებები:

მომატებული ინდივიდუალური მგრძნობელობა. თირკმელების და ღვიძლის უკმარისობა. მწვავე ინფექციური და ჩირქოვანი დაავადებები, ალკოჰოლიზმი, ორსულობა, ლაქტაციის პერიოდი.

დოზის გადაჭარბება:

შესაძლებელია სისხლწარმოშობის ძლიერი დათრგუნვა.

ურთიერთმოქმედება სხვა სამკურნალო საშუალებებთან:

კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.

მკურნალობის პერიოდში არ არის სასურველი თამბაქოსა და ალკოჰოლის გამოყენება.

განსაკუთრებული მითითებები და სიფრთხილის ზომები:

- მოარიდეთ ბავშვებს;

- პრეპარატი არ ახდენს ნეგატიურ გავლენას ავტომანქანის ტარების უნარზე,

  მექანიზმებთან მუშაობაზე;

- ვიზუალური დათვალიერების შედეგად აღმოჩენილი დეფექტების შემთხვევაში

   პრეპარატის მიღება დაუშვებელია.

შენახვის პირობები:

ინახება სინათლისაგან დაცულ, მშრალ და ბავშვებისაგან მიუწვდომელ ადგილას. „ა“ სიის პრეპარატი.

ვარგისობის ვადა:

ვარგისობის ვადა 4 წელი.

არ გამოიყენება მითითებული ვარგისობის ვადის გასვლის შემდეგ.

 გაცემის რეჟიმი:

ჯგუფი II – გაიცემა რეცეპტით 

მწარმოებელი ქვეყანა და კომპანია:

სსიპ  „თსსუ-ს იოველ ქუთათელაძის ფარმაკოქიმიის ინსტიტუტი“

მის.: საქართველო, თბილისი 0159, პ. სარაჯიშვილის ქ. #36

ტელ: 253-14-94, 252-19-04; ფაქსი: 252-00-23

ელ-ფოსტა: tsmu-ikip@.net; ვებ-გვერდი: http://ikip.tsmu.edu/