პროდუქცია

კარიპაზიმი - თურქმენეთი

კარიპაზიმი - თურქმენეთი

მცენარეული წარმოშობის პროტეოლიზური ფერმენტების კომპლექსი, რომელიც ნესვის ხის (პაპაიას) უმწიფარი ნაყოფების რძე-წვენიდანაა მიღებული. პრეპარატის აქტიური კომპონენეტებია: პაპაინი, ქიმოპაპაინი A, ქიმოპაპაინი B, პეპტიდაზები A და B, აგრეთვე, მუკოლიზური ფერმენტი ლიზოციმი.

რეგისტრაციის მოწმობარეგისტრაციის მოწმობა
პრეპარატის გამოყენების ინსტრუქცია

კარიპაზიმი

სავაჭრო დასახელება:

კარიპაზიმი – СARIPAZIM

საერთაშორისო არაპატენტირებული დასახელება: -

წამლის ფორმა:

ლიოფილიზირებული ფხვნილი 350 პე

შემადგენლობა:

1 ფლაკონი შეიცავს

პაპაიას მშრალი რძის წვენისგან მიღებული ფერმენტები (ნესვის ხე - Carica papaya L., Papaev ოჯახი - Caricaceae), რომელთა პროტეოლიზური აქტივობაა 350 PE.

აქტიური ინგრედიენტები: პაპაინი, ქიმოპაპაინი A, ქიმოპაპაინი B, პეპტიდაზა A და B, მუკოლიზური ფერმენტი - ლიზოციმი.

აღწერილობა:

თეთრი-მოყვითალო ფერის ლიოფილიზირებული ფხვნილი ან ფოროვანი მასა, სუსტი სპეციფიკური სუნით.

ფარმაკოთერაპიული ჯგუფი:

მცენარეული წარმოშობის პროტეოლიზური საშუალება

ათქ-კოდი: [D03B]

ფარმაკოლოგიური მოქმედება:

გარეგანი პროტეოლიზური საშუალება. პრეპარატი შლის დანეკროზებულ ქსოვილებს და ბლანტ სეკრეტებს, ექსუდატებსა და სისხლის კოლტებს ათხიერებს. მოქმედებით გავს ჰიმოტრიპსინს და ტრიპსინს.

ფარმაკოკინეტიკა:

გარეგანი გამოყენებისას პრეპარატი არ შეიწოვება და არ გააჩნია ორგანიზმზე სისტემური ზეგავლენა. ელექტროფორეზული ინექციით, კარიპაზიმი გროვდება დაზიანებულ მალთაშუა დისკების მიდამოში. ფერმენტები, რომლებსაც შეიცავს კარიპაზიმი, იშლება და მთლიანად ბიოტრანსფორმირდება ღვიძლში.

ფარმაკოდინამიკა:

კარიპაზიმი მიეკუთვნება მცენარეული წარმოშობის პროტეოლიზურ ნაერთებს. პრეპარატის თვისებები განპირობებულია სამი პროტეოლიზური ფერმენტის: პაპაინის, ქიმოპაპინის და პროტეინაზას, აგრეთვე მუკოლიზური ფერმენტის ლიზოციმის მოქმედებით, რომელიც შეიცავს სულფჰიდრილის ჯგუფებს აქტიურ ცენტრებში.

კარიპაზიმი აღწევს ქსოვილებში და ქმნის დეპოს დაზიანებულ მალთაშუა დისკების მიდამოში, ადგილობრივ გავლენას ახდენს შემაერთებელ ქსოვილზე, მათ შორის თავად დისკის ქსოვილზე და თიაქარზე. პრეპარატი იწვევს კოლაგენის ცილის მომატებულ სეკრეციას, რაც იწვევს დისკის ბოჭკოვანი გარსის ზომიერ ნაწიბურს. ქონდროიტინის სულფატების ბიოსინთეზის შენარჩუნება დისკის უჯრედების ნაწილის მიერ ზრდის ბირთვის პულპოზის ტროფიკულ როლს და აღადგენს დისკოს ტურგორს, რაც მას უფრო ელასტიურს ხდის.

პროტეოლიზური აქტივობის გარდა, ფერმენტებს, რომლებსაც შეიცავს პრეპარატი, ასევე აქვთ გამოხატული ანთების საწინააღმდეგო მოქმედება. ისინი აუმჯობესებენ სისხლის მიმოქცევას, ასტიმულირებენ ფაგოციტოზს, აფერხებენ ჰიალურონიდაზას აქტივობას და აძლიერებენ ქსოვილების რეგენერაციას.

გამოყენების ჩვენებები:

ძვალ-კუნთოვანი სისტემის და შემაერთებელი ქსოვილის დაავადებები, მათ შორის:

- ხერხემლის ოსტეოქონდრიტი

- მალთაშუა დისკების თიაქრის  სხვადასხვა ფორმა

- დისკოგენური რადიკულიტი, შმორლის თიაქარი

- თითების პოსტტრავმული მოქნილი კონტრაქტურა

- სხვადასხვა წარმოშობის კელოიდური ნაწიბურები

- მსხვილი სახსრების ართროზი-ართრიტი

-  პერიართრიტი

- დამწვრობა

ნერვული სისტემის დაავადებები, მათ შორის:

- ცერებრალური (ოპტოქიასმული ჩათვლით) და ხერხემლის არაქნოიდიტი

- სახის ნერვის ნევრიტი

პირის ღრუს, სანერწყვე ჯირკვლების და ყბების დაავადებები, მათ შორის:

- ქრონიკული პაროდონტიტი, პულპიტი, გინგივიტი

- პაროდონტის დაავადება, აფთოზური და წყლულოვანი ნეკროზული სტომატიტი

გამოყენების წესი და დოზები:

 დამწვრობებზე და ინფიცირებულ ჭრილობებში კარიპაზიმს იყენებენ ხსნარების სახით, კონცენტრაციით 17,5 პე/მლ, 35 პე/მლ და 70 პე/მლ ფუფხის სისქის შესაბამისად. ხსნარები მზადდება ხმარების წინ, 0,5 % ნოვოკაინის ან ნატრიუმის ქლორიდის იზოტონურ ხსნარებზე. 17.5 პე/ მლ კონცენტრაციის მისაღებად აუცილებელია კარიპაზიმის ბოთლში 20 მლ გამხსნელის დამატება, 35 პე / მლ კონცენტრაციის მისაღებად საჭიროა კარიპაზიმის ბოთლში 10 მლ გამხსნელის დამატება და  70 პე / მლ კონცენტრაცია მისაღებად , საჭიროა კარიპაზიმის ბოთლში 5 მლ გამხსნელის დამატება. პრეპარატის ხსნარით გაჟღენთილ საფენს ადებენ დამწვრობის ზედაპირზე და ტენგაუმტარ ნახვევს აფარებენ. ერთდროულად სხეულის ზედაპირის არა უმეტეს 30 % ამუშავებენ. ნახვევს უცვლიან ორ დღეში ერთხელ ან დღე-ღამეში, ამასთან აშორებენ დანეკროზებულ ქსოვილებს. მკურნალობის კურსი 4 - 12 დღე.

კუნთოვანი სისტემის ზემოთ ჩამოთვლილი პათოლოგიების და კელოიდური ნაწიბურების დროს კარიპაზიმს ატარებენ ელექტროფორეტიკური მეთოდით.

კარიპაზიმის გამოყენება ელექტროფორეზული მეთოდით

ელექტროფორეზული მეთოდით კარიპაზიმი მხოლოდ დადებითი პოლუსიდან შეჰყავთ.

I.    კარიპაზიმის ელექტროფორეზი ხერხემლის არეში ოსტეოქონდროზის და დისკოგენური რადიკულიტის შემთხვევებში:

მკურნალობა საკურსოა - 3 კურსი (1 კურსი 20-30 პროცედურა). დასაშვებია 1-2 დღიანი შესვენება პროცედურებს შორის. განმეორებითი კურსები 30-60 დღის შემდეგ.უშუალოდ პროცედურის წინ კარიპაზიმის 1 ან 0,5 ფლაკონში შეაქვთ 5-10 მლ ფიზიოლოგიური ხსნარი. 1-2 წვეთი დიმექსიდს ამატებენ ხსნარს. მიღებული ხსნარით ასველებენ ელექტროდის საფენებზე მოთავსებულ ფილტრის ქაღალდს, საფენის ზომებია: 10 სმ x 15 სმ ან 15 სმ x 20 სმ.

საფენების განლაგების ვარიანტები:

გასწვრივად:

ა) კარიპაზიმი კისრის არეში (+)

ეუფილინი წელის არეში(-)

ბ) კარიპაზიმი კისრის არეში (+)

ეუფილინი მხარის არეში (-)

გ) კარიპაზიმი კისრის არეში (+)

ეუფილინი ორივე მხარზე ორკაპა ელექტროდით (-)

დ) კარიპაზიმი წელის არეში (+)

ეუფილინი საჯდომი ნერვის გამოსვლის წერტილში (-)

(ბარძაყის უკანა ზედაპირი)

ე) კარიპაზიმი წელის არეში (+)

ეუფილინი ბარძაყების არეში ორკაპა ელექტროდით (-)

განივად:

ვ) კარიპაზიმი წელის არეში (+)

ეუფილინი მუცლის არეში (-).

საფენების ტემპერატურა 37-39°C (წყლის თერმომეტრით მოწმდება). დენის ძალა 10-15 მილიამპერი (თანდათანობით უნდა გაიზარდოს).ექსპოზიციის დრო 10-დან 20 წთ-მდე (თანდათანობით უნდა გაიზარდოს). მოცემული პარამეტრების დაცვა აუცილებელია; წინააღმდეგ შემთხვევაში პრეპარატის ეფექტურობა მკვეთრად მცირდება.   პროცედურის  შემდეგ წამლის შეყვანის ადგილზე კანი თბილი საპნიანი წყლით უნდა ჩამოირეცხოს. შესაძლებელია კარიპაზიმისა და ლითიუმის ქლორიდის (3%-იანი ხსნარი) ერთდროული შეყვანაც ელექტროფორეზით. წამლებს ერთსა და იმავე საფენებზე ათავსებენ, მაგრამ პრეპარატებით ცალ-ცალკე უნდა იქნეს გაჟღენთილი ფილტრის ქაღალდები. შეყვანის პირობები იგივეა, მაგრამ ლითიუმის გამოყენება ვოლტარენით მკურნალობის პირობებში არ შეიძლება.

II. კარიპაზიმის ელექტროფორეზი კელოიდური ნაწიბურების არეში:

ა)კარიპაზიმი უშუალოდ ნაწიბურებზე (+)

ეუფილინი ან კალიუმის იოდიდი საწინააღმდეგო ზედაპირზე ე.ი. განივად (-);

ბ)კარიპაზიმი უშუალოდ ნაწიბურებზე (+)

ეუფილინი - გასწვრივად პირველი საფენიდან 15-20 სმ მოშორებით (-).

III. კარიპაზიმის ელექტროფორეზი სახის ნევრიტების ზოგიერთი ფორმის დროს:

   დენის ძალა 1-დან 5 მილიამპერამდე.

   კარიპაზიმი სახეზე ბერგანიეს ნახევარნიღაბის სახით (+)

   ეუფილინი ბეჭთაშუა არეში ან საპირისპირო მხარზე (-).

IV. კარიპაზიმის ელექტროფორეზი თავის ტვინის არაქნოიდიტის (მათ შორის ოპტოხიზმალურის) სამკურნალოდ:

დენის ძალა 1-დან 2 მილიამპერამდე.

კარიპაზიმი ენდონაზალურად  (+)

ეუფილინი ხერხემალზე გულმკერდის ზემო განყოფილებაში

სტომატოლოგიაში - ქრონიკული პულპიტების შემთხვევაში კბილების ფესვის არხი კარიპაზიმის ხსნარით ირეცხება, რისთვისაც 1 ფლაკონის შიგთავსი 5-10 მლ გამოხდილ წყალში ან ფიზიოლოგიურ ხსნარში იხსნება; ქრონიკული პერიოდონტიტების შემთხვევაში აწარმოებენ ფესვების არხების გამორეცხვას და შიდაარხულ ელექტროფორეზს (3-5 სეანსი) კარიპაზიმის 35 პე/მლ – 70 პე/მლ ხსნარით. არხში ტოვებენ ამავე ხსნარით გაჟღენთილ ტამპონს 3-4 დღით; გინგივიტების, პაროდონტიტების, აფთოზური სტომატიტების, ტრავმატული ეროზიების და წყლულების შემთხვევებში აკეთებენ ადგილობრივ აპლიკაციას 15-20 წუთის განმავლობაში (4-10 პროცედურა).

პრეპარატის გამოყენება დასაშვებია როგორც სტაციონარულ, ისე ამბულატორიულ პირობებში.

გვერდითი ეფექტები :

ალერგიული რეაქციები.

უკუჩვენებები

- მწვავე ანთებითი პროცესები ქსოვილებში

- დისკის თიაქრის სეკვესტრაცია და ფორამენალური მდებარეობა

- 15 წლამდე ასაკის ბავშვები

ურთიერთმოქმედება სხვა სამკურნალო საშუალებებთან:

კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.

განსაკუთრებული მითითებები:

ორსულობა და ლაქტაცია.

 პრეპარატი არ შეიწოვება და არ ახდენს სისტემურ ეფექტს ორსულობისა და ლაქტაციის პერიოდში.

პრეპარატი არ ახდენს ნეგატიურ გავლენას ავტომანქანის ტარების უნარზე, მექანიზმებთან მუშაობაზე;

პრეპარატის არ გამოყენოთ ვარგისიანობის ვადის გასვლის შემდეგ და შეინახეთ ბავშვებისთვის მიუწვდომელ ადგილას.

დოზის გადარჭარბება:

ალბათობა მინიმალურია, ვინაიდან პრეპარატი გამოიყენება მხოლოდ გარედან.

გამოშვების ფორმა:

ფლაკონი 350 პე

შენახვის პირობები:

+2°C -დან +8°C -მდე ტემპერატურაზე.  მშრალ, სინათლისაგან დაცულ ადგილას

ვარგისიანობის ვადა:

2 წელი.

აფთიაქიდან გაცემის რეჟიმი:

რეცეპტით

მწარმოებელი:

სსიპ თსსუ იოველ ქუთათელაძის ფარმაკოქიმიის ინსტიტუტი

მისამართი: საქართველო, თბილისი 0159, პ. სარაჯიშვილის ქ. №36

ტელეფონი: 253-14-94,  252-19-04

ელ-ფოსტა: ikip@tsmu.edu

ვებ-გვერდი: www.ikip.tsmu.edu