კარიპაზიმი

სავაჭრო დასახელება:

კარიპაზიმი – СARIPAZIM

საერთაშორისო არაპატენტირებული დასახელება: -

წამლის ფორმა:

ლიოფილიზირებული ფხვნილი

შემადგენლობა:

1 ფლაკონი შეიცავს

პაპაიას მშრალი რძის წვენისგან მიღებული ფერმენტები (ნესვის ხე - Carica papaya L., Papaev ოჯახი - Caricaceae), რომელთა პროტეოლიზური აქტივობაა 350 PE.

აქტიური ინგრედიენტები: პაპაინი, ქიმოპაპაინი A, ქიმოპაპაინი B, პეპტიდაზა A და B, მუკოლიზური ფერმენტი - ლიზოციმი.

აღწერილობა:

თეთრი-მოყვითალო ფერის ლიოფილიზირებული ფხვნილი ან ფოროვანი მასა, სუსტი სპეციფიკური სუნით.

ფარმაკოთერაპიული ჯგუფი:

 პრეპარატი ჭრილობებისა და წყლულების სამკურნალოდ. ფერმენტული პრეპარატი.

ათქ-კოდი: [D03B]

ფარმაკოლოგიური მოქმედება:

გარეგანი პროტეოლიზური საშუალება. პრეპარატი შლის დანეკროზებულ ქსოვილებს და ბლანტ სეკრეტებს, ექსუდატებსა და სისხლის კოლტებს ათხიერებს. მოქმედებით გავს ჰიმოტრიპსინს და ტრიპსინს.

ფარმაკოლოგიური თვისებები:

ფარმაკოკინეტიკა:

გარეგანი გამოყენებისას პრეპარატი არ შეიწოვება და არ გააჩნია ორგანიზმზე სისტემური ზეგავლენა.

ელექტროფორეზული ინექციით, კარიპაზიმი გროვდება დაზიანებულ მალთაშუა დისკების მიდამოში. ფერმენტები, რომლებსაც შეიცავს კარიპაზიმი, იშლება და მთლიანად ბიოტრანსფორმირდება ღვიძლში.

ფარმაკოდინამიკა:

კარიპაზიმი მიეკუთვნება მცენარეული წარმოშობის პროტეოლიზურ ნაერთებს. პრეპარატის თვისებები განპირობებულია სამი პროტეოლიზური ფერმენტის: პაპაინის, ქიმოპაპინის და პროტეინაზას, აგრეთვე მუკოლიზური ფერმენტის ლიზოციმის მოქმედებით, რომელიც შეიცავს სულფჰიდრილის ჯგუფებს აქტიურ ცენტრებში.

კარიპაზიმი აღწევს ქსოვილებში და ქმნის დეპოს დაზიანებულ მალთაშუა დისკების მიდამოში, ადგილობრივ გავლენას ახდენს შემაერთებელ ქსოვილზე, მათ შორის თავად დისკის ქსოვილზე და თიაქარზე. პრეპარატი იწვევს კოლაგენის ცილის მომატებულ სეკრეციას, რაც იწვევს დისკის ბოჭკოვანი გარსის ზომიერ ნაწიბურს. ქონდროიტინის სულფატების ბიოსინთეზის შენარჩუნება დისკის უჯრედების ნაწილის მიერ ზრდის ბირთვის პულპოზის ტროფიკულ როლს და აღადგენს დისკოს ტურგორს, რაც მას უფრო ელასტიურს ხდის.

პროტეოლიზური აქტივობის გარდა, ფერმენტებს, რომლებსაც შეიცავს პრეპარატი, ასევე აქვთ გამოხატული ანთების საწინააღმდეგო მოქმედება. ისინი აუმჯობესებენ სისხლის მიმოქცევას, ასტიმულირებენ ფაგოციტოზს, აფერხებენ ჰიალურონიდაზას აქტივობას და აძლიერებენ ქსოვილების რეგენერაციას.

გამოყენების ჩვენებები:

კუნთოვანი სისტემის და შემაერთებელი ქსოვილის დაავადებები, მათ შორის:

- ხერხემლის ოსტეოქონდრიტი

- მალთაშუა დისკების თიაქრის  სხვადასხვა ფორმა

- დისკოგენური რადიკულიტი, შმორლის თიაქარი

- თითების პოსტტრავმული მოქნილი კონტრაქტურა

- სხვადასხვა წარმოშობის კელოიდური ნაწიბურები

- მსხვილი სახსრების ართროზი-ართრიტი

-  პერიართრიტი

- დამწვრობა

გამოყენების წესი და დოზები:

 დამწვრობებზე და ინფიცირებულ ჭრილობებში კარიპაზიმს იყენებენ ხსნარების სახით, კონცენტრაციით 17,5 პე/მლ, 35 პე/მლ და 70 პე/მლ ფუფხის სისქის შესაბამისად. ხსნარები მზადდება ხმარების წინ, 0,5 % ნოვოკაინის ან ნატრიუმის ქლორიდის იზოტონურ ხსნარებზე. 17.5 PU / მლ კონცენტრაციის მისაღებად აუცილებელია კარიპაზიმის ბოთლში 20 მლ გამხსნელის დამატება, 35 PU / მლ კონცენტრაციის მისაღებად საჭიროა კარიპაზიმის ბოთლში 10 მლ გამხსნელის დამატება და  70 PU / მლ კონცენტრაცია მისაღებად , საჭიროა კარიპაზიმის ბოთლში 5 მლ გამხსნელის დამატება. პრეპარატის ხსნარით გაჟღენთილ საფენს ადებენ დამწვრობის ზედაპირზე და ტენგაუმტარ ნახვევს აფარებენ. ერთდროულად სხეულის ზედაპირის არა უმეტეს 30 % ამუშავებენ. ნახვევს უცვლიან ორ დღეში ერთხელ ან დღე-ღამეში, ამასთან აშორებენ დანეკროზებულ ქსოვილებს. მკურნალობის კურსი 4 - 12 დღე.

კუნთოვანი სისტემის ზემოთ ჩამოთვლილი პათოლოგიების და კელოიდური ნაწიბურების დროს კარიპაზიმს ატარებენ ელექტროფორეტიკური მეთოდით.

*კარიპაზიმის გამოყენება ელექტროფორეზული მეთოდით

ელექტროფორეზული მეთოდით კარიპაზიმი მხოლოდ დადებითი პოლუსიდან შეჰყავთ.

I. კარიპაზიმის ელექტროფორეზი ხერხემლის არეში .

მკურნალობა საკურსოა - 2-3 კურსი (1 კურსი 20-30 პროცედურა).

დასაშვებია 1-2 დღიანი შესვენება პროცედურებს შორის.

განმეორებითი კურსები 30-60 დღის შემდეგ.

უშუალოდ პროცედურის წინ კარიპაზიმის 1 ან 0,5 ფლაკონში შეაქვთ 5-10 მლ ფიზიოლოგიური ხსნარი. 1-2 წვეთი დიმექსიდს ამატებენ ხსნარს. მიღებული ხსნარით ასველებენ ელექტროდის საფენებზე მოთავსებულ ფილტრის ქაღალდს, საფენის ზომებია: 10 სმ x 15 სმ ან 15 სმ x 20 სმ. უარყოფითი ელექტროდის საფენზე დააქვთ 3-5 მლ 2,4% ამინოფილინის (ზუფილინის) ხსნარი.

საფენების განლაგების ვარიანტები:

გასწვრივად:

ა) კარიპაზიმი კისრის არეში (+)

ეუფილინი წელის არეში(-)

ბ) კარიპაზიმი კისრის არეში (+)

ეუფილინი მხარის არეში (-)

გ) კარიპაზიმი კისრის არეში (+)

ეუფილინი ორივე მხარზე ორკაპა ელექტროდით (-)

დ) კარიპაზიმი წელის არეში (+)

ეუფილინი საჯდომი ნერვის გამოსვლის წერტილში (-)

(ბარძაყის უკანა ზედაპირი)

ე) კარიპაზიმი წელის არეში (+)

ეუფილინი ბარძაყების არეში ორკაპა ელექტროდით (-)

განივად:

ვ) კარიპაზიმი წელის არეში (+)

ეუფილინი მუცლის არეში (-).

საფენების ტემპერატურა 37-39°C (წყლის თერმომეტრით მოწმდება). დენის ძალა 10-15 მილიამპერი (თანდათანობით უნდა გაიზარდოს). ექსპოზიციის დრო 10-დან 20 წთ-მდე (თანდათანობით უნდა გაიზარდოს). მოცემული პარამეტრების დაცვა აუცილებელია; წინააღმდეგ შემთხვევაში პრეპარატის ეფექტურობა მკვეთრად მცირდება. პროცედურის  შემდეგ წამლის შეყვანის ადგილზე კანი თბილი საპნიანი წყლით უნდა ჩამოირეცხოს. შესაძლებელია კარიპაზიმის კომბინირებული მიღების ვარიანტი ლითიუმის ქლორიდთან (3% ხსნარის სახით). მედიკამენტები მოთავსებულია იმავე საფენზე, მაგრამ სხვადასხვა ფილტრის ქაღალდზე. შეყვანის პირობები იგივეა, თუმცა, ლითიუმის მკურნალობა არ უნდა იყოს შერწყმული ვოლტარენის გამოყენებასთან.

II. კარიპაზიმის ელექტროფორეზი კელოიდური ნაწიბურების მიდამოზე:

                          ა) კარიპაზიმი პირდაპირ ნაწიბურზე (+)

                             ევფილინი ან კალიუმის იოდიდი პირიქით

                             ზედაპირზე, ე.ი. განივად (-)

                          ბ) კარიპაზიმი პირდაპირ ნაწიბურზე (+)

                              ევფილინი გრძივი მანძილიდან 15-20 სმ მანძილზე პირველი

                             საფენიდან (-)

პრეპარატი გამოიყენება სტაციონარულ ან ამბულატორიულ პირობრბში.

გვერდითი ეფექტები :

ალერგიული რეაქციები.

უკუჩვენებები:

თიაქრის სეკვესტრორული და ფორამენალური მდებარეობა- დაავდების აასეთი ვარიანტის დროს კარიპაზიმის გამოყენება არაეფექტურია. ხერხემლის მნიშვნელოვანი ცვლილებისას (ლისტეზა), კარიპაზიმის გამოყენებამ ლისტეზისთვის შეიძლება გამოიწვიოს დამატებითი დესტაბილიზაცია სეგმენტში; ონკოლოგიური დაავადებების დროს  მენჯის მიდამოში; ორსულობა; მწვავე ვირუსული დაავადებები; 15 წლამდე ასაკის ბავშვები.

ურთიერთმოქმედება სხვა სამკურნალო საშუალებებთან:

კლინიკური მნიშვნელობის ურთიერთმოქმედება სხვა სამკურნალო საშუალებებთან არ არის დადგენილი.

განსაკუთრებული მითითებები:

პრეპარატი არ ახდენს ნეგატიურ გავლენას ავტომანქანის ტარების უნარზე, მექანიზმებთან მუშაობაზე;

დოზის გადარჭარბება:

ალბათობა მინიმალურია, ვინაიდან პრეპარატი გამოიყენება მხოლოდ გარეგანი გამოყენებისთვის

გამოშვების ფორმა:

ფლაკონი №1 350 პე

შენახვის პირობები:

მშრალ, სინათლისაგან დაცულ ადგილას +2°C -დან +8°C -მდე ტემპერატურაზე. 

ვარგისიანობის ვადა:

2 წელი.

აფთიაქიდან გაცემის რეჟიმი:

რეცეპტით

მწარმოებელი:

სსიპ თსსუ იოველ ქუთათელაძის ფარმაკოქიმიის ინსტიტუტი

მისამართი: საქართველო, თბილისი 0159, პ. სარაჯიშვილის ქ. №36

ტელეფონი: 253-14-94,  252-19-04

ელ-ფოსტა: ikip@tsmu.edu

ვებ-გვერდი: www.ikip.tsmu.edu